ლედრაქსენი Ledraxen

ანოტაცია

აღნიშნული სამკურნალო საშუალება ექვემდებარება დამატებით კოტროლს, რაც იძლევა უსაფრთხოების მხრივ ახალი ინფორმაციის სწრაფად იდენტიფიცირების საშუალებას. თქვენც შეგიძლიათ წვლილი შეიტანოთ და დააფიქსიროთ ნებისმიერი შესაძლო გვერდითი ეფექტი. გვერდითი რეაქციების დაფიქსირების წესი მოცემულია მე-4 ნაწილის ბოლოში.

პრეპარატის მიღებამდე ყურადღებით გაეცანით ფურცელ-ჩანართს, რადგან მასში მოცემულია თქვენთვის მნიშვნელოვანი ინფორმაცია.

• შეინახეთ ფურცელ-ჩანართი, შესაძლოა კვლავ დაგჭირდეთ.
• დამატებითი შეკითხვების შემთხვევაში მიმართეთ ექიმს, ფარმაცევტს ან მედდას.
• პრეპარატი დაგენიშნათ მხოლოდ თქვენ. არ გადასცეთ სხვებს, რადგან შესაძლოა ავნოს მათ მიუხედავად დაავადების იგივე სიმპტომებისა.
• მიმართეთ ექიმს, ფარმაცევტს ან მედდას რომელიმე გვერდითი ეფექტის გამოვლენის შემთხვევაში. ეს მოიცავს ნებისმიერ შესაძლო გვერდით მოვლენასაც, რომელიც არ არის მოცემული აღნიშნულ ფურცელ-ჩანართში. იხ. ნაწილი 4.

 

    რას შეიცავს ფურცელ-ჩანართი

1. რა არის ენოქსაპარინი ლედრაქსენი და რისთვის გამოიყენება იგი
2. რა უნდა იცოდეთ ენოქსაპარინი ლედრაქსენის მიღებამდე
3. ენოქსაპარინი ლედრაქსენის გამოყენების წესი
4. შესაძლო გვერდითი ეფექტები
5. ენოქსაპარინი ლედრაქსენის შენახვის პირობები
6. რა შედის შეფუთვაში და სხვა ინფორმაცია
7. რა არის ენოქსაპარინი ლედრაქსენი და რისთვის გამოიყენება

ენოქსაპარინი ლედრაქსენი აქტიური ნივთიერების სახით შეიცავს ენოქსაპარინის ნატრიუმს, რომელიც წარმოადგენს დაბალი მოლეკულური მასის ჰეპარინს (LMWH).

 

ენოქსაპარინი ლედრაქსენი მოქმედებს ორი გზით:

1) აჩერებს არსებული თრომბის ზრდას, რაც ხელს უწყობს ორგანიზმს მათ დაშლაში და აღარ იწვევს ზიანს.

2) ახდენს სისხლში თრომბის წარმოქმნის პრევენციას

 

ენოქსაპარინი ლედრაქსენი  გამოიყენება შემდეგ შემთხვევებში:

• სისხლში არსებული თრომბის სამკურნალოდ
• სისხლში თრომბის წარმოქმნის პრევენცია შემდეგ შემთხვევებში:

– ოპერაციამდე და ოპერაციის შემდეგ.

–    მწვავე დაავადების ან მოძრაობის დაქვეითების დროს.

– კიბოს მიზეზით სისხლის შედედების დროს შემდგომი თრომბის წარმოქმნის პრევენციის მიზნით.

• არასტაბილური სტენოკარდიის (მდგომარეობა, როდესაც საკმარისიო რაოდენობის სისხლი ვერ ხვდება გულში) შემთხვევაში ან გულის შეტევის შემდეგ.
• თრომბის წარმოქმნის პრევენცია დიალიზის აპარატის მილებში (გამოიყენება პაციენტებში, რომლებსაც აქვთ თირკმლის სერიოზული პრობლემები).

 

 

2. რა უნდა იცოდეთ ენოქსაპარინი ლედრაქსენის მიღებამდე

      არ მიიღოთ ენოქსაპარინი ლედრაქსენი :

• თუ გაქვთ ალერგია ენოქსაპარინის ნატრიუმის ან პრეპარატის რომელიმე სხვა ინგრედიენტის (იხ. ნაწილი 6) მიმართ.
• თუ გაქვთ ალერგია ჰეპარინის ან დაბალი მოლეკულური მასის სხვა ჰეპარინების მიმართ, როგორიც არის ნადროპარინი, ტინზაპარინი ან დალტეპარინი.

ალერგიული რეაქციის ნიშნებია: გამონაყარი, ყლაპვის ან სუნთქვის პრობლემები, სახის შეშუპება, ასევე ტუჩების, ენის, პირის ღრუს, ყელის და თვალების.

• თუ გქონდათ რეაქცია ჰეპარინზე, რამაც გამოიწვია თრომბოციტების რაოდენობის ძალიან შემცირება – აღნიშნულ რეაქციას ეწოდება ჰეპარინით ინდუცირებული თრომბოციტოპენია – ბოლო 100 დღის განმავლობაში.
• თუ გაქვთ ენოქსაპარინის ანტისხეულები სისხლში.
• თუ გაქვთ ძლიერი სისხლდენა ან ისეთი მდგომარეობა, რომელსაც ახლავს სისხლდენის მაღალი რისკი: როგორიც არის კუჭის წყლული, ტვინის ან თვალის ოპერაცია ბოლო პერიოდში, ან არსებული ჰემორაგული ინსულტი.
• თუ ენოქსაპარინ ლედრაქსენს ღებულობთ სამკურნალოდ ორგანიზმში არსებული თრომბების დროს და დაგეგმილია  24 საათის განმავლობაში:

–  ზურგის ან წელის პუნქცია.

– ოპერაცია ეპიდურული ან სპინალური ანესთეზიით.

თუ რომელიმე ზემოთ ჩამოთვლილი თქვენ გეხებათ, არ გამოიყენოთ ენოქსაპარინ ლედრაქსენი. თუ არ ხართ დარწმუნებული, გაესაუბრეთ თქვენს ექიმს ან ფარმაცევტს პრეპარატის  გამოყენებამდე.

 

   გაფრთხილებები და სიფრთხილის ზომები

ენოქსაპარინი ლედრაქსენი  არ მიიღება მონაცვლეობით სხვა სამკურნალო საშუალებებთან, რომლებიც მიეკუთვნებიან დაბალი მოლეკულური მასის ჰეპარინების ჯგუფს, რადგან ისინი არ არიან ზუსტად ერთიდაიგივე და არ აქვთ ერთნაირი მოქმედება და გამოყენების ინსტრუქცია.

 

  ენოქსაპარინი ლედრაქსენის მიღებამდე გაესაუბრეთ ექიმს ან ფარმაცევტს, თუ:

• ოდესმე გქონდათ რეაქცია ჰეპარინზე, რამაც გამოიწვია თრომბოციტების რაოდენობის ძალიან შემცირება.
• გქონდათ ჩადგმული გულის სარქველი
• გაქვთ ენდოკარდიტი (გულის შიდა ამომფენი გარსის ინფექცია)
• გაქვთ კუჭის წყლული ანამნეზში
• გქონდათ ინსულტი ბოლო პერიოდში
• გაქვთ მაღალი არტერიული წნევა
• გაქვთ დიაბეტი ან დიაბეტით გამოწვეული თვალის სისხლძარღვებთან დაკავშირებული პრობლემები (დიაბეტური რეტინოპათია)
• ჩაგიტარდათ თვალის ან ტვინის ოპერაცია ბოლო პერიოში
• ხანდაზმულ ასაკში ხართ (65 წლის ზემოთ), განსაკუთრებით >75 წლის
• გაქვთ თირკმლის პრობლემები
• გაქვთ ღვიძლის პრობლემები
• გაწუხებთ ჭარბი წონა ან პირიქით
• სისხლში მაღალია კალიუმის დონე (შეიძლება გადამოწმდეს სისხლის ანალიზით)
• მიმდინარე ეტაპზე ღებულობთ ისეთ პრეპარატებს, რომლებიც გავლენას ახდენენ სისხლდენაზე (იხ. ნაწილი „სხვა პრეპარატები“).
• თქვენ გაქვთ რაიმე პრობლემა ხერხემალთან ან გაგიკეთებიათ ხცერხემლის ოპერაცია.

თუ ზემოთ ჩამოთვლილიდან რომელიმე გეხებათ (ან არ ხართ დარწმუნებული), მიმართეთ თქვენს ექიმს ან ფარმაცევტმა ენოქსაპარინ ლედრაქსენის გამოყენებამდე.

ეს წამალი შეიცავს 1 მმოლზე ნაკლებს (23 მგ) ნატრიუმს თითო დოზაზე, ე.ი

არსებითად “ნატრიუმის გარეშეა”.

 

ტესტები და შემოწმება

ამ მედიკამენტის გამოყენებამდე შეგიძლიათ გაიაროთ სისხლის  ტესტი, დაიცვათ ინტერვალები გამოყენებისას. ეს არის შედედების უჯრედების დონის შესამოწმებლად

(თრომბოციტები) და კალიუმი თქვენს სისხლში.

 

  სხვა მედიკამენტები და ენოქსაპარინ ლედრაქსენი

შეატყობინეთ ექიმს ან ფარმაცევტს თუ ღებულობთ, ბოლო პერიოდში ღებულობდით ან მიიღებთ ნებისმიერ სხვა პრეპარატს.

• ვარფარინი – გამოიყენება სისხლის გასათხელებლად.
• ასპირინი (ასევე ცნობილია როგორც აცეტილსალიცილის მჟავა ან ასა), კლოპიდოგრელი ან სხვა პრეპარატი, რომელიც გამოიყენება თრომბების წარმოქმნის პროფილაქტიკისთვის (ასევე იხ. ნაწილი 3 „ანტიკოაგულანტის შეცვლა“).
• დექსტრანის ინექცია – გამოიყენება სისხლის შემცვლელის სახით.
• იბუპროფენი, დიკლოფენაკი, კეტოროლაკი ან სხვა პრეპარატები, რომლებსაც ეწოდებათ ანთების საწინააღმდეგო არასტეროიდული საშუალებები და გამოიყენება ტკივილის და შეშუპების დროს ართრიტის და სხვა მდგომარეობების შემთხვევაში.
• პრედნიზოლონი, დექსამეტაზონი ან სხვა პრეპარატები, რომლებსაც იყენებენ ასთმის, რევმატოიდული ართრიტის და სხვა მდგომარეობების სამკურნალოდ.
• პრეპარატები, რომლებიც ზრდიან სისხლში კალიუმის დონეს, მაგ.: კალიუმის მარილები, შარდმდენები, გულთან დაკავშირებული პრობლემების სამკურნალო ზოგიერთი პრეპარატი

 

  ოპერაციები და საანესთეზიო საშუალებები

თუ გეგმავთ სპინალურ პუნქციას ან ოპერაციას, რომელიც ტარდება ეპიდურული ან სპინალური ანესთეზიით, აცნობეთ ექიმს, რომ ღებულობთ ენოქსაპარინ ლედრაქსენს^.

 

  ორსულობა და ძუძუთი კვება

თუ ორსულად ხართ ან ძუძუთი კვებავთ ბავშვს, ეჭვობთ ორსულობაზე ან გეგმავთ ორსულობას, პრეპარატის მიღებამდე კონსულტაცია გაიარეთ ექიმთან ან ფარმაცევტთან.

თუ ორსულად ხართ და გაქვთ გულის მექანიკური სარქველი, შეიძლება გაიზარდოს თრომბების წარმოქმნის რისკი. ექიმმა უნდა გაიაროს აღნიშნული საკითხი თქვენთან.

თუ ძუძუთი კვებავთ ბავშვს ან გეგმავთ ძუძუთი კვებას, პრეპარატის მიღებამდე კონსულტაცია გაიარეთ ექიმთან.

 

  ბავშვები და მოზარდები

ენოქსაპარინი ლედრაქსენის უსაფრთხოება და ეფექტურობა არ შეფასებულა ბავშვებში ან მოზარდებში.

 

 

   ტრანსპორტის მართვა და მექანიზმების გამოყენება

ენოქსაპარინი ლედრაქსენი არ ახდენს გავლენას ტრანსპორტის მართვის და მექანიზმებთან მუშაობის უნარზე.

რეკომენდებულია გამოყენებისას ჯანდაცვის სპეციალისტებმა მიუთითონ პროდუქციის სავაჭრო დასახელება და სერიის ნომერი.

 

3. ენოქსაპარინი ლედრაქსენის გამოყენების წესი

პრეპარატი ყოველთვის მიიღეთ ექიმის ან ფარმაცევტის დანიშნულების შესაბამისად. თუ რაიმეში ეჭვი გეპარებათ, გადაამოწმეთ ექიმთან ან ფარმაცევტთან.

        პრეპარატის მიღება

• ენოქსაპარინი ლედრაქსენი ჩვეულებრივ კეთდება ექიმის ან მედდის მიერ, რადგან იგი მიიღება ინექციის სახით.
• ენოქსაპარინი ლედრაქსენი ჩვეულებრივ კეთდება ინექციის სახით კანქვეშ.
• ენოქსაპარინი ლედრაქსენის მიღება შესაძლებელია ვენაში ინექციის სახით (ინტრავენურად) გარკვეული ტიპის გულის შეტევის ან ოპერაციის შემდეგ.
• ენოქსაპარინი ლედრაქსენისშეყვანა უნდა მოხდეს წრედის არტერიულ სისტემაში დიალიზის პროცედურის დასაწყისში.
• ენოქსაპარინ ლედრაქსენი კუნთშიარ კეთდება.

 

         პრეპარატის დოზირება

• ექიმი განსაზღვრავს ენოქსაპარინი ლედრაქსენის დოზას, რომელიც დამოკიდებულია ჩვენებაზე.
• თუ გაქვთ თირკმელების პრობლემები შეიძლება დაინიშნოს ენოქსაპარინი ლედრაქსენის უფრო დაბალი დოზა.

 

1. 1. სისხლში არსებული თრომბების მკურნალობა

სტანდარტული დოზა არის 150 ს.ე. (1.5 მგ) თითო კილოგრამზე, ყოველ დღე ან 100 ს.ე. (1 მგ) თითო კილოგრამზე დღეში ორჯერ. ექიმი განსაზღვრავს მკურნალობის ხანგრძლივობას.

2. 2. სისხლში თრომბების წარმოქმნის პროცესის შეჩერება ოპერაციის დროს ან დაავადების გამო შეზღუდული გადაადგილების პერიოდში:

• დოზა დამოკიდებულია იმაზე, თუ რამდენად მოსალოდნელია თრომბის წარმოქმნა. ყოველ დღე მიიღება 2,000 ს.ე. (20 მგ) ან 4,000 ს.ე. (40 მგ) ენოქსაპარინი ლედრაქსენი.
• თუ გეგმავთ ოპერაციას, პირველი ინექცია ჩვეულებრივ კეთდება ოპერაციამდე 2 საათით ან 12 საათით ადრე.
• თუ შეზღუდულ გაქვთ მოძრაობა დაავადების გამო, ჩვეულებრივ ინიშნება 4,000 ს.ე. (40 მგ) ენოქსაპარინი ლედრაქსენი ყოველ დღე.
• მკურნალობის ხანგრძლივობას განსაზღვრავს ექიმი.

 

3. თრომბის შეჩერება არასტაბილური სტენოკარდიის დროს ან გულის შეტევა

ენოქსაპარინი ლედრაქსენი შეიძლება გამოყენებულ იქნას ორი სხვადასხვა ტიპის გულის შეტევის დროს, მისი რაოდენობა დამოკიდებული იქნება თქვენს ასაკზე და  გულის შეტევის ტიპზე.

NSTEMI (არა-ST სეგმენტის მიოკარდიუმის ინფარქტი) ტიპის გულის შეტევა:

• სტანდარტული დოზა არის 100 ს.ე. (1 მგ) თითო კილოზე ყოველ 12 საათში.
• ექიმი ასევე ჩვეულებრივ ნიშნავს ასპირინს (აცეტილსალიცილის მჟავა).
• ექიმი განსაზღვრავს მკურნალობის ხანგრძლივობას.

STEMI (ST სეგმენტის მიოკარდიუმის ინფარქტი) ტიპის გულის შეტევა თუ

თქვენ ხართ 75 წლამდე:

• საწყისი დოზა 3,000 ს.ე. (30 მგ) ენოქსაპარინი ლედრაქსენი მიიღება ვენაში ინექციის სახით.
• ამავდროულად ასევე მიიღება ენოქსაპარინი ლედრაქსენი კანქვეშა ინექციის სახით. სტანდარტული დოზა არის 100 ს.ე. (1 მგ) თითო კილოგრამზე ყოველ 12 საათში.
• ექიმი ასევე ჩვეულებრივ ნიშნავს ასპირინს (აცეტილსალიცილის მჟავა).
• ექიმი განსაზღვრავს მკურნალობის ხანგრძლივობას.

 

STEMI ტიპის გულის შეტევა, თუ ხართ 75 წლის ან უფროსი ასაკის:

• სტანდარტული დოზა 75 ს.ე. (0.75 მგ) თითო კილოგრამზე ყოველ 12 საათში.
• პირველი ორი ინექციის შემთხვევაში ენოქსაპარინი ლედრაქსენის მაქსიმალური რაოდენობა არის 7,500 ს.ე. (75 მგ).
• ექიმი განსაზღვრავს მკურნალობის ხანგრძლივობას.

პაციენტებში, რომლებსაც ჩაუტარდათ პერკუტანული კორონარული ჩარევა (PCI):

იმის მიხედვით თუ ბოლოს როდის მიიღეთ ენოქსაპარინი ლედრაქსენი, ექიმმა შეიძლება დანიშნოს დამატებითი დოზა PCI-მდე. აღნიშნულ შემთხვევაში, ინექცია კეთდება ვენაში.

 

4. 4. დიალიზის აპარატის მილებში სისხლის კოლტების წარმოქმნის პროფილაქტიკა

• თქვენი წონის ყოველ კილოგრამზე ჩვეულებრივი დოზაა 100 ს.ე. (1 მგ) .
• ენოქსაპარინ ლედრაქსენი ემატება ორგანიზმიდან გამომავალ მილაკს (არტერიული ხაზი) დიალიზის სესიის დაწყებისას. ეს რაოდენობა ჩვეულებრივ საკმარისია 4 საათიანი სესიისთვის. თუმცა საჭიროების შემთხვევაში ექიმმა შეიძლება დაგინიშნოთ დამატებითი დოზა 50 ს.ე.-დან 100 ს.ე.-მდე (0,5-დან 1 მგ-მდე) თქვენი წონის ყოველ კილოგრამზე გადაანგარიშებით.

 

   ენოქსაპარინ ლედრაქსენის ინექციის გაკეთება დამოუკიდებლად

თუ თქვენ შეგიძლიათ დამოუკიდებლად გაიკეთოთ ენოქსაპარინ ლედრაქსენი, თქვენი ექიმი ან ექთანი გაჩვენეთ თუ როგორ უნდა გაიკეთოთ ის. არ გაიკეთოთ ინექცია დამოუკიდებლად, თუ არ გაქვთ გამოცდილება. დარწმუნებული თუ არ ხართ როგორ უნდა გაიკეთოთ, სასწრაფოდ მიმართეთ ექიმს ან ექთანს.  კანქვეშა (“subcutaneous injection”) ინექციის სათანადო ჩატარებით შესაძლებელია ტკივილის რისკის შემცირება და ინექციის ადგილზე სისხლჩაქცევების წარმოქმნის თავიდან აცილება.

ენოქსაპარინ ლედრაქსენის ინექციის დამოუკიდებლად გაკეთებამდე:

• შეაგროვეთ ერთად საჭირო ნივთები: შპრიცი, სპირტიანი ტამპონი ან საპონი

და წყალი და ბასრი ნივთების კონტეინერი.

• შეამოწმეთ პრეპარატის ვარგისიანობის ვადა. არ გამოიყენოთ, თუ ვადაგასულია.
• შეამოწმეთ, რომ შპრიცი არ არის დაზიანებული და მასში არსებული წამალი არის გამჭვირვალე თუ ასე არ არის, გამოიყენეთ სხვა შპრიცი.
• დარწმუნდით, რომ იცით რა რაოდენობის ინექციის გაკეთებას აპირებთ.
• შეამოწმეთ მუცელი, რომ ნახოთ, ბოლო ინექციამ გამოიწვია თუ არა რაიმე სიწითლე. კანის ფერის შეცვლა, შეშუპება, გამონადენი ან კვლავ მტკივნეულია თუ არა. თუ ასეა, გაესაუბრეთ თქვენს ექიმს ან ექთანს.

 

     შპრიცის გამოყენების ინსტრუქცია

შპრიცების სათანადო გამოყენებით შესაძლებელია ტკივილის რისკის შესამცირება და ინექციის ადგილზე სისხლჩაქცევების წარმოქმნის თავიდან აცილება. ყურადღებით დაიცავით ინსტრუქცია.

 

     უსაფრთხოების სისტემის არმქონე შპრიცების გამოყენების ინსტრუქცია:

• ინექციის ადგილის მომზადება:

ინექციის გაკეთებამდე დაიბანეთ ხელები და გაიმშრალეთ. გამოიყენეთ ბამბის ბურთულა ინექციისთვის არჩეული ადგილის გასაწმენდად (გახეხვის გარეშე). თითოეული ინექციისთვის აირჩიეთ მუცლის განსხვავებული უბანი.

 

• მოაშორეთ დამცავი თავსახური ნემსს

შესაძლებელია ნემსის ბოლოში წვეთების გამოჩენა. მოცემულ შემთხვევაში ინექციის წინ წვეთი მოაშორეთ შპრიცის სხეულზე დაჭერით (ნემსით ქვევით მიმართული).

 

 

 

 

 

• ინექციის შეასრულება:

წინასწარ შევსებული შპრიცი მზად არის დაუყოვნებლივ გამოყენებისთვის. აირჩიეთ უბანი მუცლის მარჯვენა არ მარცხენა მხარეს, ჭიპიდან მინიმუმ 5 სანტიმეტრით უნდა იყოს დაშორებული. დაიჭირეთ შპრიცი ისე, რომ ნემსი მიმართული იყოს ქვევით (ვერტიკალურად 90°), კანის ნაკეცის სისქეში, რომელიც მოქცეულია ოპერატორის ცერსა და საჩვენებელ თითს შორის. ნაკეცები უნდა შენარჩუნდეს ინექციის განმავლობაში.

 

 

 

 

 

 

• შპრიცი დამაგრებული ნემსით გადააგდეთ ბასრი ნივთებისათვის განკუთვნილ უახლოეს კონტეინერში.

ნებისმიერი გამოუყენებელი სამედიცინო პროდუქტი ან ნარჩენი მასალა უნდა განადგურდეს ადგილობრივი მოთხოვნების შესაბამისად.

 

 

უსაფრთხოების სისტემის მქონე შპრიცების გამოყენების ინსტრუქცია

ინექციის გაკეთებამდე დაიბანეთ ხელები და გაიმშრალეთ. გამოიყენეთ ბამბის ბურთულა ინექციისთვის არჩეული ადგილის გასაწმენდად (გახეხვის გარეშე). თითოეული ინექციისთვის აირჩიეთ მუცლის განსხვავებული უბანი.

 

 

• პირველ რიგში საჭერი მოხარეთ გვერდისკენ დაახლოებით 90 გრადუსით. მნიშვნელოვანია: არ მოხსნათ თავსახური საჭერის მოხრამდე.

 

• მოაშორეთ დამცავი თავსახური ნემსს

შესაძლებელია ნემსის ბოლოში წვეთების გამოჩენა. მოცემულ შემთხვევაში ინექციის წინ წვეთი მოაშორეთ შპრიცის სხეულზე დაჭერით (ნემსით ქვევით მიმართული).

 

• ინექციის შეასრულება:

წინასწარ შევსებული შპრიცი მზად არის დაუყოვნებლივ გამოყენებისთვის. აირჩიეთ უბანი მუცლის მარჯვენა არ მარცხენა მხარეს, ჭიპიდან მინიმუმ 5 სანტიმეტრით უნდა იყოს დაშორებული. დაიჭირეთ შპრიცი ისე, რომ ნემსი მიმართული იყოს ქვევით (ვერტიკალურად 90°), კანის ნაკეცის სისქეში, რომელიც მოქცეულია ოპერატორის ცერსა და საჩვენებელ თითს შორის. ნაკეცები უნდა შენარჩუნდეს ინექციის განმავლობაში.

 

 

 

• დაამაგრეთ ნემსის დამჭერი

ერთი ხელით მოათავსეთ დამჭერი მყარ, სტაბილურ ზედაპირზე. მნიშვნელოვანია: არ გამოიყენოთ თითი ნემსის დამჭერში დასამაგრებლად.  შემდეგ დააჭირეთ დამჭერს. მოხარეთ დამჭერი, ვიდერე ნემსი არ დაიფარება  პლასტმასის დამცავით.

 

 

 

როგორც კი დაამთავრებთ ინექციას:

• სისხლჩაქცევების თავიდან ასაცილებლად, არ შეიზილოთ ინექციის ადგილი.
• გადაყარეთ გამოყენებული შპრიცი ბასრი ნივთების კონტეინერში. დახურეთ კონტეინერის სახურავი მჭიდროდ და მოათავსეთ კონტეინერი ბავშვებისთვის მიუწვდომელ ადგილას. როგორც გაივსება კონტეინერი, გადაყარეთ ისინი თქვენი ექიმის ან ფარმაცევტის მითითებით.

ნებისმიერი გამოუყენებელი სამედიცინო პროდუქტი ან ნარჩენი მასალა უნდა განადგურდეს ადგილობრივი მოთხოვნების შესაბამისად.

 

ანტიკოაგულანტური მკურნალობის შეცვლა

– ენოქსაპარინი ლედრაქსენი-დან გადასვლა სისხლის გამათხელებლებზე, რომელსაც ეწოდება ვიტამ-K ანტაგონისტები (მაგ. ვარფარინი) თქვენი ექიმი გთხოვთ გაიკეთოთ სისხლის ლაბორატორიული ტესტები, ეგრეთწოდებული პროთრომბინის დრო გამოხატული საერთაშორისო ნორმალიზებული თანაფარდობით (INR)  და შესაბამისად გირჩევთ თუ როდის უნდა შეწყვიტოთ ენოქსაპარინი ლედრაქსენი გაკეთება.

– სისხლის გამათხელებლებიდან, რომელსაც ეწოდება ვიტამინი-K-ს  ანტაგონისტები (მაგ. ვარფარინი) ენოქსაპარინ ლედრაქსენზე გადასვლისას, უნდა შეწყვიტოთ  K ვიტამინის ანტაგონისტის მიღება. თქვენი ექიმი გთხოვთ გაიკეთოთ სისხლის ლაბორატორიული ტესტები, ეგრეთწოდებული პროთრომბინის დროს გამოხატული საერთაშორისო ნორმალიზებული თანაფარდობით (INR)  და შესაბამისად გირჩევთ თუ როდის უნდა შეწყვიტოთ ენოქსაპარინი ლედრაქსენი გაკეთება.

– ენოქსაპარინ ლედრაქსენის შეცვლა პირდაპირი პერორალური ანტიკოაგულანტებით.

შეწყვიტე ენოქსაპარინი ლედრაქსენის მიღება. დაიწყეთ პირდაპირი პერორალური ანტიკოაგულანტების მიღება 0-2 საათით ადრე მომდევნო ინექციის გაკეთებამდე, შემდეგ გააგრძელეთ ჩვეულებრივად.

– პირდაპირი პერორალური ანტიკოაგულანტით მკურნალობიდან გადასვლა ენოქსაპარინ ლედრაქსენზე.  შეწყვიტეთ პირდაპირი პერორალური ანტიკოაგულანტის მიღება. არ დაიწყოთ მკურნალობა ენოქსაპარინი ლედრაქსენით პირდაპირი პერორალური ანტიკოაგულანტის საბოლოო დოზის მიღებიდან არანაკლებ 12 საათის განმავლობაში.

 

   თუ იყენებთ ენოქსაპარინ ლედრაქსენს მეტი რაოდენობით ვიდრე უნდა მიგეღოთ

 

– თუ ფიქრობთ, რომ იყენებდით ენოქსაპარინი ლედრაქსენს მეტი ან ნაკლები რაოდენობით, დაუყოვნებლივ აცნობეთ ექიმს, ექთანს ან ფარმაცევტს, მაშინაც კი, თუ პრობლემის ნიშნები არ გაქვთ. თუ ბავშვმა შემთხვევით გაიკეთა ან გადაყლაპა ენოქსაპარინი ლედრაქსენი, სასწრაფოდ გადაიყვანეთ საავადმყოფოში გადაუდებელი დახმარების განყოფილებაში.

 

თუ დაგავიწყდათ ენოქსაპარინ ლედრაქსენის გამოყენება

  თუ დაგავიწყდათ , მიიღეთ როგორც კი გაგახსენდებათ, ასანაზღაურებლად ორმაგი დოზა არ მიიღოთ.  დღიურის წარმოება დაგეხმარებათ დარწმუნდეთ, რომ არ გამოტოვებთ დოზას.

   თუ შეწყვეტთ ენოქსაპარინი ლედრაქსენის  გამოყენებას 

ენოქსაპარინი ლედრაქსენის ინექციების გაგრძელება ვიდრე თქვენი ექიმი გადაწყვეტს მისი გამოყენების შეჩერებას. თუ შეწყვეტთ გამოყენებას, შესაძლოა განვითარდეს თრომბი, რომელიც შეიძლება იყოს ძალიან საშიში. თუ რაიმე შეკითხვა გაქვთ მედიკამენტის გამოყენებასთან დაკავშირებით, მიმართეთ თქვენს ექიმს, ფარმაცევტს ან ექთანს.

 

4. შესაძლო გვერდითი მოვლენები

როგორც ყველა მედიკამენტმა, ამ პრეპარატმაც შეიძლება გამოიწვიოს გვერდითი მოვლენები, თუმცა არა ყველა პაციენტის შემთხვევაში.

  სერიოზული გვერდითი მოვლენები

შეწყვიტეთ ენოქსაპარინ ლედრაქსენის გამოყენება და დაუყოვნებლივ გაესაუბრეთ თქვენს ექიმს ან ექთანს თუ გაქვთ მძიმე ალერგიული რეაქციის რაიმე ნიშანი (როგორიცაა გამონაყარი, გაძნელებული სუნთქვა ან ყლაპვა, სახის, ტუჩების, ენის, პირის ღრუს, ყელის ან თვალების შეშუპება).

შეწყვიტეთ ენოქსაპარინის გამოყენება და დაუყოვნებლივ მიმართეთ ექიმს, თუ შეამჩნევთ რომელიმე ქვემოთ ჩამოთვლილი სიმპტომი:

• წითელი, ქერცლიანი ფართოდ გავრცელებული გამონაყარი კანქვეშა მუწუკებით და ბუშტუკებით, რომელსაც თან ახლავს ცხელება. სიმპტომები ჩვეულებრივ ვლინდება მკურნალობის დაწყებისას (მწვავე გენერალიზებული ეგზანთემატოზური პუსტულოზი).

სხვა მსგავსი მედიკამენტების მსგავსად სისხლის შედედების შესამცირებლად, ენოქსაპარინ ლედრაქსენი შეიძლება გამოიწვიოს სისხლდენა. ეს შეიძლება იყოს სიცოცხლისთვის საშიში. ზოგიერთ შემთხვევაში, სისხლდენა შეიძლება არ გამოვლინდეს.

 

დაუყოვნებლივ გაესაუბრეთ ექიმს თუ:

• გაქვთ სისხლდენა, რომელსაც ვერ აჩერებთ თქვენით.
• გაქვთ ძალიან ბევრი სისხლდენის ნიშნები, როგორიცაა სისუსტე, დაღლილობა სიფერმკრთალე ან თავბრუსხვევა თავის ტკივილით ან აუხსნელი შეშუპებით.

ექიმმა შეიძლება გადაწყვიტოს თქვენი დაკვირვების ქვეშ ყოფნა ან წამლის შეცვლა.

 

     დაუყოვნებლივ უნდა აცნობოთ ექიმს:

– თუ გაქვთ თრომბის მიერ სისხლძარღვის ბლოკირების რაიმე ნიშანი, როგორიცაა:

– კრუნჩხვითი ტკივილი, სიწითლე, სითბოს შეგრძნება ან შეშუპება ერთ-ერთ ფეხში – ეს არის ღრმა ვენების თრომბოზის სიმპტომები.

– ქოშინი, გულმკერდის ტკივილი, სისუსტე ან სისხლიანი ხველა – ეს არის ფილტვის ემბოლიის სიმპტომები.

– თუ გაქვთ მტკივნეული გამონაყარი კანქვეშ მუქი წითელი ლაქებით, რომლებიც არ ქრება მათზე ზეწოლის დროს. ექიმმა შეიძლება მოითხოვოს სისხლის ანალიზის ჩატარება თრომბოციტების რაოდენობის შესამოწმებლად.

 

შესაძლო გვერდითი ეფექტების საერთო ჩამონათვალი:

ძალიან ხშირი (შეიძლება განუვითარდეს 10-დან 1-ზე მეტ ადამიანს)

• სისხლდენა.
• ღვიძლის ფერმენტების მატება.

 

ხშირი (შეიძლება განუვითარდეს 10-დან 1 ადამიანს)

ჩვეულებრივზე უფრო ადვილად წარმოიქმნება სისხლჩაქცევა. აღნიშნული შესაძლოა გამოწვეული იყოს სისხლში  თრომბოციტების დაბალი რაოდენობით.

• ვარდისფერი ლაქები თქვენს კანზე. ისინი უფრო მეტად გამოჩნდებიან იმ ადგილას, სადაც არის ენოქსაპარინი ლედრაქსენის ინექცია.
• კანზე გამონაყარი (ჭინჭრის ციება, ურტიკარია).
• ქავილი, კანის შეწითლება
• სისხლჩაქცევა ან ტკივილი ინექციის ადგილზე.
• სისხლის წითელი უჯრედების რაოდენობის შემცირება.
• თრომბოციტების მაღალი რაოდენობა სისხლში.

. თავის ტკივილი.

 

იშვიათი (შეიძლება განუვითარდეს 100-დან 1 ადამიანს)

• უეცარი ძლიერი თავის ტკივილი. ეს შეიძლება იყოს თავის ტვინში სისხლდენის ნიშანი.
• მუცელში დაჭიმულობის და შეშუპების შეგრძნება. შესაძლოა გქონდეთ კუჭში სისხლდენა .
• დიდი წითელი, არარეგულარული ფორმის კანის დაზიანებები ბუშტუკებით ან მის გარეშე.
• კანის გაღიზიანება (ადგილობრივი გაღიზიანება).
• თქვენ შეამჩნევთ კანის ან თვალების გაყვითლებას და უფრო მუქი ფერის შარდის გამოყოფას, აღნიშნული შეიძლება წარმოადგენდეს ღვიძლის პრობლემას.

 

იშვიათი (შეიძლება განუვითარდეს 1000-დან 1 ადამიანს)

– მძიმე ალერგიული რეაქცია. ნიშნები შეიძლება მოიცავდეს: გამონაყარს, ყლაპვის ან სუნთქვის პრობლემას, ტუჩების, სახის, ყელის ან ენის შეშუპებას.

– გაზრდილი კალიუმი თქვენს სისხლში. უფრო სავარაუდოა, რომ აღნიშნული განვითარდეს თირკმელების პრობლემების ან დიაბეტის მქონე ადამიანებში. თქვენი ექიმი შეძლებს შეამოწმოს აღნიშნული სისხლის ანალიზის ჩატარებით.

– სისხლში ეოზინოფილების რაოდენობის ზრდა. თქვენი ექიმი შეძლებს შეამოწმოს აღნიშნული სისხლის ანალიზის ჩატარებით.

–  თმის ცვენა

– ოსტეოპოროზი (მდგომარეობა, როდესაც არის თქვენი ძვლების მოტეხვის დიდი ალბათობაა) ხანგრძლივი გამოყენების შემდეგ.

– ჩხვლეტა, დაბუჟება და კუნთების სისუსტე (განსაკუთრებით თქვენი სხეულის ქვედა ნაწილში), როდესაც თქვენ იკეთებთ ხერხემლის პუნქციას ან სპინალურ საანესთეზიო საშუალებას.

• შარდის ბუშტზე ან ნაწლავზე კონტროლის დაკარგვა (თქვენ ვერ აკონტროლებთ როდის წახვიდეთ ტუალეტში ).
• მყარი მასა ან სიმსივნე ინექციის ადგილზე.

 

                            გვერდითი მოვლენების შეტყობინება

 

თუ შეამჩნევთ რაიმე გვერდით მოვლენას, გთხოვთ, მიმართოთ თქვენს ექიმს,

ფარმაცევტს ან მედდას. ეს ასევე ვრცელდება ნებისმიერ შესაძლო გვერდით ეფექტზე,

რომელიც არ არის ჩამოთვლილი ამ ინსტრუქციაში. თქვენ ასევე შეგიძლიათ

შეატყობინოთ გვერდითი ეფექტების შესახებ მონაცემები პირდაპირ მოხსენების

ეროვნული სისტემის მეშვეობით:

 

გერმანიაში:

 

ნარკოტიკების და სამედიცინო მოწყობილობების ფედერალური ინსტიტუტის

ფარმაკოზედამხედველობის დეპარტამენტი

 

Kurt-Georg-Kiesinger-Allee 3, D-53175 Bonn

 

Website http://www.bfarm.de

 

ავსტრიაში:

 

ჯანმრთელობის დაცვის უსაფრთხოების ფედერალური ოფისი, Traisengasse 5, 1200 ვენა,

ავსტრია

 

Fax: +43 (0) 50 555 36207

 

Website: www.basg.gv.at

 

გვერდითი ეფექტების შეტყობინებით თქვენ შეგიძლიათ დაეხმაროთ ამ მედიკამენტის

უსაფრთხოების შესახებ მეტი ინფორმაციის მოწოდებას.

 

5. როგორ შეინახოთ ენოქსაპარინ ლედრაქსენი

 

არ შეინახოთ 25°C-ზე მაღალ ტემპერატურაზე.

 

არ გაყინოთ.

 

შეინახეთ ეს წამალი ბავშვებისთვის მიუწვდომელ ადგილას.

 

არ გამოიყენოთ ეს წამალი ვარგისიანობის ვადის გასვლის შემდეგ, რომელიც

მითითებულია მუყაოს კოლოფსა და შეფუთვაზე (კონტეინერზე) “EXP”. ვარგისიანობის

ვადა ეხება იმ თვის ბოლო დღეს.

 

არ გამოიყენოთ ეს წამალი თუ შეამჩნევთ ხსნარში რაიმე ხილულ ცვლილებებს.

 

არასოდეს გადააგდოთ მედიკამენტები ჩამდინარე წყალში (მაგ. არც ტუალეტში ან

ნიჟარაში). ჰკითხეთ თქვენს ფარმაცევტს, როგორ გადააგდოთ მედიკამენტები, როდესაც

მათ აღარ იყენებთ. ეს ხელს შეუწყობს გარემოს დაცვას. დამატებითი ინფორმაციის ნახვა

შეგიძლიათ ვებგვერდზე www.bfarm.de/arzneimittelentsorgung.

 

 

 

6. შეფუთვის შემადგენლობა და სხვა ინფორმაცია

 

რას შეიცავს ენოქსაპარინ ლედრაქსენი

2,000 ს.ე. (20 მგ)/0.2 მლ საინექციო ხსნარი

– აქტიური ნივთიერებაა: ენოქსაპარინის ნატრიუმი. თითოეული მლ შეიცავს 100 მგ

ენოქსაპარინის ნატრიუმს. ყოველი 0,2 მლ წინასწარ შევსებული შპრიცი შეიცავს

2,000 ს.ე. ანტი-Xa აქტივობას (20 მგ-ის ექვივალენტური) ენოქსაპარინს

ნატრიუმის.

– სხვა ინგრედიენტია: საინექციო წყალი.

 

4,000 ს.ე. (40 მგ)/0.4 მლ საინექციო ხსნარი

– აქტიური ნივთიერებაა: ენოქსაპარინის ნატრიუმი. თითოეული მლ შეიცავს 100 მგ

ენოქსაპარინის ნატრიუმს. ყოველი 0,4 მლ წინასწარ შევსებული შპრიცი შეიცავს

4,000 ს.ე. ანტი-Xa აქტივობას (40 მგ-ის ექვივალენტური) ენოქსაპარინს

ნატრიუმის.

– სხვა ინგრედიენტია: საინექციო წყალი.

 

6,000 ს.ე. (60 მგ)/0.6 მლ საინექციო ხსნარი

– აქტიური ნივთიერებაა: ენოქსაპარინის ნატრიუმი. თითოეული მლ შეიცავს 100 მგ

ენოქსაპარინის ნატრიუმს. ყოველი 0,6 მლ წინასწარ შევსებული შპრიცი შეიცავს

6,000 სე ანტი-Xa აქტივობას (60 მგ-ის ექვივალენტური) ენოქსაპარინს

ნატრიუმის.

– სხვა ინგრედიენტია: საინექციო წყალი.

 

8,000 ს.ე. (80 მგ)/0.8 მლ საინექციო ხსნარი

– აქტიური ნივთიერებაა: ენოქსაპარინის ნატრიუმი. თითოეული მლ შეიცავს 100 მგ

ენოქსაპარინის ნატრიუმს. ყოველი 0,8 მლ წინასწარ შევსებული შპრიცი შეიცავს

8,000 ს.ე. ანტი-Xa აქტივობას (80 მგ-ის ექვივალენტური) ენოქსაპარინს

ნატრიუმის.

– სხვა ინგრედიენტია: საინექციო წყალი.

 

10,000 ს.ე. (100 მგ)/1 მლ საინექციო ხსნარი

– აქტიური ნივთიერებაა: ენოქსაპარინის ნატრიუმი. თითოეული მლ შეიცავს 100 მგ

ენოქსაპარინის ნატრიუმს. ყოველი 1.0 მლ წინასწარ შევსებული შპრიცი შეიცავს

10,000 სე ანტი-Xa აქტივობას (100 მგ-ის ექვივალენტი) ენოქსაპარინს ნატრიუმის.

– სხვა ინგრედიენტია: საინექციო წყალი.

 

როგორ გამოიყურება ენოქსაპარინ ლედრაქსენი და შეფუთვის შიგთავსი

2,000 ს.ე. (20 მგ)/0.2 მლ

საინექციო ხსნარი უფერო ან ღია ყვითელი გამჭვირვალე სითხე 0.2 მლ ხსნარი

გამჭვირვალე, უფერო ნეიტრალურ შპრიცის ლულაში (ტიპი I) ფიქსირებული ნემსით და

ნემსის დამცავით, დახურული ქლორობუტილის რეზინის საცობით და იისფერი

პოლიპროპილენის დგუშის ღეროთი (უსაფრთხოების სისტემით ან მის გარეშე).

შეფუთვა 1, 2, 6, 10, 20 ან 50 წინასწარ შევსებული შპრიცის.

 

4,000 ს.ე. (40 მგ)/0.4 მლ

საინექციო ხსნარი უფერო ან ღია ყვითელი გამჭვირვალე სითხე 0.4 მლ ხსნარი

გამჭვირვალე, უფერო ნეიტრალურ შპრიცის ლულაში (ტიპი I) ფიქსირებული

ნემსით და ნემსის დამცვით, დახურული ქლორობუტილის რეზინის საცობით და

ყვითელი პოლიპროპილენის დგუშის ღეროთი (უსაფრთხოების სისტემით ან მის

გარეშე)

შეფუთვა 1, 2, 6, 10, 20, 30 ან 50 წინასწარ შევსებული შპრიცის.

 

6,000 ს.ე. (60 მგ)/0.6 მლ

საინექციო ხსნარი უფერო ან ღია ყვითელი გამჭვირვალე სითხე

0,6 მლ ხსნარი გამჭვირვალე, უფერო, გრადუირებული შპრიცის ლულაში,

დამზადებული ნეიტრალური მინისგან (ტიპი I) მუდმივად დამაგრებული ნემსით

და ნემსის დამცავით, დახურული ქლორობუტილის რეზინის საცობით და

ნარინჯისფერი პოლიპროპილენის დგუშის ღეროთი (უსაფრთხოების სისტემით

ან მის გარეშე).

შეფუთვა 1, 2, 6, 10, 12, 20, 24, 30 ან 50 წინასწარ შევსებული შპრიცის.

 

8,000 ს.ე. (80 მგ)/0.8 მლ

საინექციო ხსნარი უფერო ან ღია ყვითელი გამჭვირვალე სითხე 0,8 მლ ხსნარი

გამჭვირვალე, უფერო, გრადუირებული შპრიცის ლულა დამზადებული

ნეიტრალური მინისგან (ტიპი I) მუდმივად დამაგრებული ნემსით და ნემსის

დამცავით, დახურული ქლორობუტილის რეზინის საცობით და ყავისფერი

პოლიპროპილენის დგუშით (უსაფრთხოების სისტემით ან მის გარეშე).

შეფუთვა 1, 2, 6, 10, 12, 20, 24, 30 ან 50 წინასწარ შევსებული შპრიცის.

 

10,000 ს.ე. (100 მგ)/1.0 მლ

საინექციო ხსნარი უფერო ან ღია ყვითელი გამჭვირვალე სითხე 1 მლ ხსნარი

გამჭვირვალე, უფერო,გრადუირებული შპრიცის ლულა დამზადებული

ნეიტრალური მინისგან (ტიპი I) მუდმივად დამაგრებული ნემსით და ნემსით

დამცავით, დახურული ქლორობუტილის რეზინის საცობით და ნაცრისფერი

პოლიპროპილენის დგუშით (უსაფრთხოების სისტემით ან მის გარეშე).

შეფუთვა 1, 2, 6, 10, 12, 20, 24 ან 30 წინასწარ შევსებული შპრიცის.

 

0.2 მლ და 0.4 მლ შპრიცები არ არის გრადირებული.

0,6 მლ, 0,8 მლ და 1 მლ შპრიცები გრადუირებულია.

 

შეიძლება ყველა ზომის შეფუთვა არ იყოს გაყიდვაში.

გაცემის წესი:

ფარმაცევტული პროდუქტის ჯგუფი II, გაიცემა ფორმა №3 რეცეპტით

 

 

ფარმაცევტული კომპანია და მწარმოებელი

 

ფარმაცევტული კომპანია

Venipharm

4, Bureaux de la Colline

92210 4, Saint-Cloud

საფრანგეთი

+33 1 47 11 04 47 venipharm@venipharm.com

 

თანადისტრიბუცია გერმანიაში:

Venipharm GmbH

Lademannbogen 21-23

22339 Hamburg

გერმანია

ტელ: +49 (0)40 822 161 501

 

თანადისტრიბუცია ავსტრიაში:

SanMed GmbH

Leesdorfer Hauptstrasse 60/3

2500 Baden

ავსტრია

 

მწარმოებელი

Centre Spécialités Pharmaceutiques

ZAC des Suzots

35 rue de la Chapelle

F-63450 Saint-Amant Tallende

საფრანგეთი

 

სარეგისტრაციო ნომერი გერმანიაში:

ენოქსაპარინი ლედრაქსენი 2,000 ს.ე. (20 მგ)/0.2 მლ საინექციო ხსნარი წინასწარ

შევსებულ შპრიცში: ნებართვის ნომერი: 96236.00.00

ენოქსაპარინი ლედრაქსენი 4,000 ს.ე. (40 მგ)/0,4 მლ საინექციო ხსნარი წინასწარ

შევსებულ შპრიცში: ნებართვის ნომერი: 96235.00.00

ენოქსაპარინი ლედრაქსენი 6,000 ს.ე. (60 მგ)/0,6 მლ საინექციო ხსნარი წინასწარ

შევსებულ შპრიცში: ნებართვის ნომერი: 96234.00.00.

ენოქსაპარინი ლედრაქსენი 8,000 ს.ე. (80 მგ)/0,8 მლ საინექციო ხსნარი წინასწარ

შევსებულ შპრიცში: ნებართვის ნომერი: 96233.00.00.

ენოქსაპარინი ლედრაქსენი 10,000 ს.ე. (100 მგ)/1 მლ საინექციო ხსნარი წინასწარ

შევსებულ შპრიცში: ნებართვის ნომერი 96232.00.00.

 

რეგისტრაციის ნომერი ავსტრიაში:

ენოქსაპარინი ლედრაქსენი 2,000 ს.ე. (20 მგ)/0.2 მლ საინექციო ხსნარი წინასწარ

შევსებულ შპრიცში: ნებართვის ნომერი: 241473

ენოქსაპარინი ლედრაქსენი 4,000 ს.ე .(40 მგ)/0,4 მლ საინექციო ხსნარი წინასწარ

შევსებულ შპრიცში: ნებართვის ნომერი: 241472

ენოქსაპარინი ლედრაქსენი 6,000 ს.ე. (60 მგ)/0,6 მლ საინექციო ხსნარი წინასწარ

შევსებულ შპრიცში: ნებართვის ნომერი: 241471

ენოქსაპარინი ლედრაქსენი 8,000 ს.ე. (80 მგ)/0,8 მლ საინექციო ხსნარი წინასწარ

შევსებულ შპრიცში: ნებართვის ნომერი: 241470

ენოქსაპარინ ლედრაქსენი 10,000 ს.ე. (100 მგ)/1 მლ საინექციო ხსნარი წინასწარ

შევსებულ შპრიცში: ნებართვის ნომერი: No. 241469

 

ეს სამკურნალო პროდუქტი ავტორიზებულია ევროპის ეკონომიკური ზონის წევრ

ქვეყნებში (EEA) და გაერთიანებულ სამეფოში (ჩრდილოეთ ირლანდია) შემდეგი

სახელებით:

 

გერმანია Enoxaparin Ledraxen

გაერთიანებული სამეფო (ჩრდილოეთი ირლანდია) Ledraxen

შვედეთი Enoxaparin Ledraxen

ესპანეთი Enoxaparina Ledraxen

საფრანგეთიEnoxaparine Arrow

ლატვია Enoxaparin sodium Ledraxen

ლიტვა Enoxaparin sodium Ledraxen

ავსტრია Enoxaparin Ledraxen

კვიპროსი Ledraxen

ჩეხეთის რესპუბლიკა Enoxaparin sodium Ledraxen

ესტონეთი Enoxaparin sodium Ledraxen

ფინეთი Enoxaparin Ledraxen

ხორვატია Enoksaparinnatrij Ledraxen

ირლანდია Enoxaparin sodium Ledraxen

ნორვეგია Enoxaparin Ledraxen

პოლონეთი Enoxaparin sodium Ledraxen

პორტუგალია Enoxaparin Ledraxen

სლოვაკეთი Ledraxen

სლოვენია Enoksaparin Ledraxen

 

ამ ბროშურის ბოლო გადახედვის თარიღია: გერმანია: ივნისი 2023

ავსტრია: ივნისი 2023

დამატებითი ინფორმაციის წყაროები

გერმანია:

დეტალური ინფორმაცია ამ წამლის შესახებ ხელმისაწვდომია

ნარკოტიკების და სამედიცინო მოწყობილობების ფედერალური ინსტიტუტის

ვებგვერდზე : http://www.bfarm.de

ავსტრია:

ამ მედიკამენტის შესახებ დეტალური ინფორმაცია ხელმისაწვდომია ჯანდაცვის

უსაფრთხოების ფედერალური ოფისის ვებგვერდზე: http://www.bash. gv.at/.

8A1AAG4-04